【唔怪得之馬明係荀盤，男人講野搞笑仲剎食過靚仔（下）】
《Do姐再shopping》換走黃翠如帶黎《降魔的》視帝熱門人選馬國明，一開始農夫就教馬國明唔好訶諛奉承，佢地認為要下下逆Do姐意，特登寸佢先會搞到佢好開心，因為農夫平時最叻以爛gag炒熱氣氛。正如上篇講既咁，男人口才了得係非常有魅力，女仔覺得同你講野好有趣，就會不自覺愛上你。但係上次就有讀者留言：「如果我唔識搞笑，本身缺少幽默細胞那又點算？可以做咩令女仔知道我口才好好呢？」，建議你可以學下馬國明。
馬國明一向順得人意，雖然搞笑功力比農夫差，但勝在擁有體貼溫柔既暖男性格，所以同樣得到很多女神愛慕，佢地更加將馬國明稱之為筍盤。
馬國明身為高登連登超級忠實粉絲，貼地唔自大，而且願意接受人地批評，有上進心。最重要係佢曾經坦承自己有睇AV既習慣，點解睇AV可以變男神？喂，女仔最怕人講大話，有咩理由男人冇睇過AV吖，你話喇一開始已經向個女仔講大話，佢之後要點信你呢？馬國明就證明自己係坦誠既人，第一印象早已經加爆分。
咁點先可以討好女仔？睇馬國明啦：
1. 農夫只係顧住講野，得馬國明喺Do姐上馬車嗰陣識細心地扶住佢既手臂。
👉🏻提示：其實呢種好男人喺現實世界好吃香，例如唔好比女仔企近馬路邊、佢凍就拎大褸披喺佢身上、知道佢唔食rq就避叫咩、病左第一時間買粥關心佢等等...呢啲小舉動往往係女仔最心動既moment
2. 馬國明又有做足功課，去到丹麥旅遊都可以解說丹麥歷史，等大家更加了解呢個國家。
👉🏻提示：假如你睇多啲書，學識廣博，咁當個女仔同你講野就會好似不斷吸收新知識一樣，心中自然會暗起敬佩同愛慕之情
3. 馬國明轉數快，Do姐未講已經知道佢想講咩，例如馬國明分別喺茶葉店同美容店準確和應Do姐，講到佢想想聽既答案。
👉🏻提示：從來聰明既男人特別有吸引力，因為佢地成日估到女仔心思，好似肚裡面條蟲咁，中伏比人鬧既機會大幅減少
4. Do姐叫大家唔好以為保暖袋係手袋，農夫一如以往寸佢：「冇人以為係手袋喎」，只有馬國明裝作驚訝咁問：「下乜唔係手袋黎架咩？」
👉🏻提示：配合度非常好，唔會駁嘴，特別受年長女性中意
Search